AQSH VA YAPONIYA «YUMSHOQ KUCH» MODELLARINING QIYOSIY TAHLILI

Annotatsiya: Ushbu maqolada axborot jamiyatining "toʻrtinchi toʻlqini" davrida xalqaro siyosat kontekstida shakllangan «yumshoq kuch» (soft power) konsepsiyasining evolutsiyasi tadqiq etilgan. Tadqiqot doirasida «yumshoq kuch» sohasidagi ikki qarama-qarshi model — AQSHning global madaniy ustunlikka asoslangan va Yaponiyaning iqtisodiy hamkorlik, texnologik innovatsiyalar hamda oʻziga xos milliy madaniyat uygʻunligiga tayangan modellari qiyosiy tahlil qilinadi. Muallif har ikki davlatning madaniyat, taʼlim, texnologiya, xalqaro yordam va diplomatiya sohalaridagi asosiy vositalarini, ularning ijobiy hamda salbiy tomonlarini batafsil yoritib bergan. Maqola yakunida AQSH va Yaponiya tajribasidan kelib chiqqan holda, Oʻzbekistonning milliy «yumshoq kuch» modelini barpo etish va uning xalqaro maydondagi nufuzini oshirish boʻyicha amaliy taklif hamda tavsiyalar taqdim etilgan.

Kalit soʻzlar: Yumshoq kuch, madaniyat, AQSH, Yaponiya, Oʻzbekiston, madaniy taʼsir, iqtisodiy hamkorlik, xalqaro munosabatlar, qiyosiy tahlil.