SHANXAY HAMKORLIK TASHKILOTI SAMARALI XAVFSIZLIK SUBYEKTIMI?

Annotatsiya:

Ushbu maqola ShHT aʼzo davlatlar xavfsizligini taʼminlashda samarali mintaqaviy tashkilot hisoblanadimi yoki yoʻqmi degan masalani oʻrganadi. Dastlab 1996-yilda aʼzolar oʻrtasidagi chegara muammolarini hal qilish mexanizmi sifatida barpo etilgan tashkilot, 2001-yilda xavfsizlik masalalariga, xususan, terrorizm, ekstremizm va separatizmga qarshi kurashishga qaratilgan mintaqaviy tashkilotga aylandi. 2005-yildan boshlab ShHT "ShHT-Afgʻoniston" muloqot guruhini tuzish va aʼzo davlatlar rahbarlarining har bir sammitiga uning Prezidentini taklif qilish orqali Afgʻonistondagi muammolarni hal etishga harakat qildi. Ushbu maqolada ShHT uchta yovuzlikka qarshi kurashishda, Afgʻonistonni qoʻllab-quvvatlashda hamda oʻz aʼzolari oʻrtasida xavfsizlikni saqlashda muvaffaqiyatli xavfsizlik subyekti hisoblanadimi yoki yoʻqmi degan masala tahlil qilinadi.

Kalit soʻzlar: Shanxay hamkorlik tashkiloti, Markaziy Osiyo, xavfsizlik masalalari, terrorizm, chegara masalalari, Afgʻoniston.