RAQAMLASHTIRISH VA INKLYUZIV IQTISODIY OʻSISH: MAMLAKATLARARO TAHLIL DOI: 10.63407/

Annotatsiya:

Ushbu tadqiqot turli mamlakatlarda raqamlashtirish inklyuziv iqtisodiy oʻsishga qanday taʼsir qilishini oʻrganadi. Tadqiqot kompozit indikatorlar va klaster tahlilidan foydalangan holda raqamli transformatsiya hamda inklyuziv rivojlanish oʻrtasidagi bogʻliqlikni tahlil qiladi. Empritik tahlil 2010-yildan 2022-yilgacha boʻlgan davrda 20 ta mamlakat maʼlumotlarini oʻz ichiga oladi, bu vaqtlar davomidagi oʻzgarishlarni hamda rivojlanish modellaridagi tafovutlarni oʻrganish imkonini beradi. Tadqiqotda raqamlashtirish va inklyuziv rivojlanish indekslari tuzilgan, soʻngra maʼlumotlarni tahlil qilish uchun qiyoslash, korrelyatsiya, klaster tahlili va regression modellashtirish qoʻllanilgan. Natijalar raqamlashtirish va inklyuziv oʻsish oʻrtasida ijobiy bogʻliqlik mavjudligini koʻrsatadi. Ushbu bogʻliqlikning kuchi turli mamlakatlarda turlicha boʻlib, birinchi navbatda iqtisodiyotning holati hamda institutlarning sifatiga bogʻliq. Klaster tahlili raqamlashtirish va inklyuzivlikning har xil darajalariga ega boʻlgan bir nechta mamlakatlar guruhlarini ajratib koʻrsatadi. Xulosalar rivojlanish trayektoriyalarining turli-tumanligini taʼkidlaydi. Xususan, maʼlumotlar raqamlashtirishning afzalliklari bir qator omillarning uygʻunligiga bogʻliqligini koʻrsatadi: yaxshi maʼlumotli ishchi kuchi, mustahkam institutsional bazalar hamda keng koʻlamli iqtisodiy ishtirok uchun teng imkoniyatlar. Ushbu natijalar iqtisodiy siyosatni ishlab chiqish uchun muhim tushunchalarni taqdim etadi. Bunday siyosat raqamli transformatsiya afzalliklarining uzoq muddatli va inklyuziv iqtisodiy oʻsishga aylanishini taʼminlashga qaratilishi lozim.

Kalit soʻzlar: Raqamlashtirish, Raqamli tengsizlik, Raqamli transformatsiya, Inklyuziv iqtisodiy oʻsish, Tengsizlik, Kompozit indekslar, Klaster tahlili, Mamlakatlararo tahlil, Iqtisodiy rivojlanish, Barqaror rivojlanish, Institutsional muhit, Kambagʻallik.