Ilmiy turizm O'zbekistonning yangi tashqi siyosatining aksi sifatida

Annotatsiya:

Ushbu maqolada ilmiy-ommabop turizmning davlat rivojlanishining ustuvor yo'nalishi sifatidagi o'rni asoslab beriladi. Ishda turizmni rivojlantirishga qaratilgan zamonaviy holat va siyosat tahlili, turizmda ko'p tarmoqli biznesning o'rni, davlatning tashqi siyosatdagi o'rni va uning iqtisodiyotga ta'siri, turizmning yangi yo'nalishi sifatida ilmiy-ommabop turizmni rivojlantirish, mavjud resurslardan oqilona foydalanish, yangi loyihalarni ishlab chiqish va ularni jamoatchilik orasida ilgarilash istiqbollari muhokama qilinadi. Turizmning ushbu turini rivojlantirish orqali uning jozibadorligini nafaqat xorijliklarga, balki O'zbekiston xalqiga ham ko'rsatish, unga qiziqish uyg'otish, xususan, fuqarolarni o'z mamlakatining ilmiy tashkilotlari va ilmiy tadqiqotlariga e'tibor qaratishga undash, vatanparvarlik va o'z davlatidan g'ururlanish tuyg'usini mustahkamlash, shuningdek, ushbu sohada kadrlar zaxirasini shakllantirish hamda yoshlar orasida ushbu soha mutaxassislarining salohiyatini oshirish zarur. Dunyoda o'zgarib borayotgan xalqaro jarayonlar, moliyaviy inqiroz va pandemiya sababli chegaralarning ko'p yillik yopilishi sharoitida ko'plab mamlakatlarning turizm industriyasi vakillari, rahbarlar, siyosatchilar, politologlar, huquqshunoslar va iqtisodchilar turbulient sharoitda turizmning qaysi yo meyorlarini rivojlantirish va biznesda qanday yangi mahsulotlarni ishlab chiqarish mumkinligi haqida o'ylayotgani ma'lum. Shubhasiz, turizm butun dunyoda iqtisodiy o'sish va bandlikka ko'maklashuvchi muhim ijtimoiy-iqtisodiy omil hisoblanadi. U nafaqat moliyaviy jihatlarga, balki boshqa sohalarga ham ta'sir qiladi. Shuning uchun maqolada turizm turlari, shu jumladan ilmiy-ommabop turizmni rivojlantirish loyihalari, yo'nalishlari va istiqbollari keltirilgan.

Kalit so'zlar: siyosat, imidj, PR, tadbirkorlik, turizm, ilmiy-ommabop turizm, sayohat, turistik diplomatiya, ekskursiya, loyiha, tadqiqot, mamlakat, O'zbekistonning tashqi siyosati 2026, madaniy diplomatiya va yumshoq kuch, fanlararo ilmiy tadqiqotlar.