Turkiy davlatlar tashkilotining logistika sohasidagi rivojlanish kun tartibi (Xalqaro Munosabatlar (6 / 2025 №112))

Annotatsiya:

Ushbu maqolada Turkiy davlatlar tashkilotiga (TDT) aʼzo mamlakatlar oʻrtasida transport bogʻliqligi sohasidagi hamkorlik masalalari oʻrganiladi. Tinchlik va barqarorlikni mustahkamlash, hamkorlik hamda oʻzaro munosabatlar koʻlamini kengaytirish, aʼzo davlatlarning salohiyatini rivojlantirishga qaratilgan ushbu tashkilotning toʻlaqonli aʼzolari tarkibiga Ozarbayjon, Qozogʻiston, Qirgʻiziston, Turkiya va Oʻzbekiston kiradi. Vengriya, Turkmaniston va Shimoliy Kipr esa kuzatuvchi davlatlar hisoblanadi. Dastlab 2009-yil oktyabr oyida Turkiy kengash sifatida tashkil etilgan ushbu tuzilma aʼzo davlatlar oʻrtasidagi koʻprik vazifasini oʻtaydi va turkiy tilli xalqlarning boy tarixini hisobga olgan holda mintaqaviy xalqaro hamkorlikni mustahkamlaydi. U yuqorida qayd etilgan maqsadlarga erishish yoʻlida tashkilot aʼzolari oʻrtasidagi savdoni jadallashtirishga qaratilgan. Ushbu munosabat bilan davlatlar mintaqaviy kelishuvlarni amalga oshirishni rejalashtirmoqda. Tashkilotga aʼzo mamlakatlar oʻrtasida qisqa va oʻrta muddatli iqtisodiy hamkorlik strategiyasini ishlab chiqish, Turkiy davlatlar savdo hamkorligi boʻyicha tadqiqot markazini tashkil etish, savdo toʻsiqlarini bartaraf etish, elektron tijoratni kengaytirish hamda import va eksport hajmini oshirish boʻyicha tashabbuslar ilgari surildi. Turkiy davlatlar tashkiloti aʼzolari faqatgina salohiyatli logistika qoʻllab-quvvatlovi, arzon va tezkor transport hamda aʼzo davlatlar hududi orqali oʻtadigan transport koridorlarining samarali faoliyati orqaligina oʻzlarining ulkan maqsadlarini amalga oshirishlari mumkin. Ushbu maqola doirasidagi tadqiqot, xususan, tashkilotga aʼzo davlatlar oʻrtasida tovarlar harakatini tartibga soluvchi huquqiy bazani yoritadi hamda davlatlar oʻrtasidagi va butun dunyo boʻylab boshqa mamlakatlar bilan savdoni oshirishda transport bogʻliqligining muhimligini koʻrsatib beradi.

Kalit soʻzlar: Turkiy davlatlar tashkiloti, transport bogʻliqligi, logistika, infratuzilma, hamkorlik, aʼzo davlat, kuzatuvchi davlat.